Det vart ein fullt fortjent seier til Tornado Bergen på Kalandseid Idrettsplass i dag. Grunnlaget for seieren vart lagt dei første 25 minutta av førsteomgangen. Då leda vi 5-0 etter mål av Endre, og to kvar frå Rune S. og Ronnie. Etter denne åpninga, vart resten av kampen eit lite anti-klimaks, men 7-1 seier må vi seie oss godt nøgde med. Dei to siste måla vart såtte inn av Rune og Sten Are. 

Troppa til dagens kamp

Øverst frå Venstre: Kenneth, Ole, Jon Edgar, Kenneth T., Ronnie, Øyvind H., Øyvind B., Olav, Frode og Eivind L..
Nederst frå venstre: John Arne, Sindre, Rune S., Sten Are, Trond, Endre og Terje.
Eivind I. kom ikkje før kampstart, og Runar var fotograf.

Denne helga var det seriestart i England. Som alle andre ”seriøse” medier, skal vi gje dåkke fasiten, og fortelje kordan slutt-tabellen vil bli sjåande ut. Ein ting er ivertfall sikkert, det er ikkje lenger snakk om ”dei fire store”. Eit av desse laga vil stå for fall…

Blir det endeleg ein jubelsesong for Spurs?

Mandag 17.08 kl. 20.30 er det duka for første kamp etter ferien. Motstandar er Kalandseid, og kampen går på Kalandseid Idrettsplass. Det ser ut til at vi kjem med full tropp, totalt 18 mann, til denne kampen. Trenarteamet har endå ikkje plukka ut dei 18, men vi vil uansett ha ei god tropp i morgon.

Kalandseid Idrettsplass, mandag 17/8 kl. 20.30

I går var det igjen trening på Stavollen. Gledeleg var det at studentane no er tilbake i byn, samt fleire av dei nye spelarane vi har knytta til oss i løpet av sommaren. I tillegg er fleire spelarar tilbake etter skade. Dermed var vi heile 18 mann på trening, og det skal vi være godt fornøgde med. Vi har heilt klart fått ein sterkare stall, og det vil merkast når kampane no startar opp igjen.

Kampen mot Kalandseid som skulle vært spelt fystkommande fredag, er flytta til mandag den 17.08 kl. 19.00. Kampen går på Kalandseid Idrettsplass, og oppmøte er kl. 18.15.
Viktig at alle går inn på Google-docs og melder frå om dei kan eller ikkje. På grunn av flyttinga, blir det derfor trening som vanleg på fredag. 

Etter halvspelt serie, kan det være spennande å sjå kordan målaksjene ligg an. Vi har skåra 36 mål i første halvdel av sesongen, og gjentar det seg i siste halvdel, vil vi ende på 72 mål. Då vil fem stykker dele premien.

No har vi sjølvsagt eit håp om at høstsesongen vil bli beire for vår del, og dermed skåre fleire mål, men man veit aldri...
Uansett kan man følge med på lista over målaksjonærar her:

Sidan det er litt over ei veke til første seriekamp etter ferien, er det godt å komme igang med trening igjen. I går var det tretten mann på trening på Stavollen, og det var utan studentar. Frå og med neste veke er det fleire som ventast til byn, og det lovar bra for høstsesongen. Samtidig håpar vi at ein del av den eldre garde også har mulighet til å hive seg med framover.

Vi har også blitt kjent med fleire nye spelarar etter ferien. Dei har markert seg på treningane, og vil være nyttige tilvekstar for oss framover.

Etter nokre veker med sommarferie, er det no på tide å starte opp igjen. Etter ein vårsesong litt under forventningane, har vi eit håp om å klatre på tabellen utover høsten. Sånn det ser ut i dag, er spelartroppen inntakt, og fem nye er på vei inn i dette transfervindauget. Med fleire folk på treningar, og kampar, vil vi stå beire rusta når sesongen sparkast igang igjen den 14.08 kl. 19.00.

Minner igjen om treningstidene:

• Onsdagar på Stavollen kl. 20.30 - 22.00
• Fredagar på Krohnsminde kl. 18.45 - 20.00

Vi satsar på meir jubel utpå høsten...

Heller ikkje i dag vart det tre poeng for TBFK. Sjølv om vi spelte ein god kamp, vart sluttresultatet 3-3. Måla våre vart skåra av Eivind x2 og Sten Are.

Øyvind B. og Øystein gjorde ein god kamp i dag,
men vart desverre ikkje tre poeng...

Søndag kl. 16.00 er det siste seriekamp før ferien. Motstandaren er SK Mann, og kampen går på Åstveit Idrettsplass. For første gang på lang tid, stiller vi med ei stor tropp til kampen. Heile 16 mann har meldt seg klare til kamp. Etter ein svak periode med kun eitt poeng på dei fire siste kampane, håpar vi no trenden skal snu.

John Kåre er klar igjen etter nokre kampar ute.